Azərbaycan millisinin və “Qarabağ”ın futbolçusu Bəhlul Mustafazadə Ağdam klubundan ayrılacaq.
My-news.az İdman.biz-ə istinadən xəbər verir ki, 28 yaşlı müdafiəçi mövsümlərarası fasilədə «Qəbələ»yə transfer olunacaq. Mustafazadə, «Qarabağ»la 2027-ci ilə qədər müqavilə bağlamasına baxmayaraq, bir illik müddət üçün «qırmızı-qaralar»a icarəyə veriləcək. Beləliklə, Bəhlul 2025/26 mövsümünü özünün əvvəlki komandası olan «Qəbələ»də keçirəcək.
Qeyd edilir ki, Mustafazadənin «Qarabağ»ın baş məşqçisi Qurban Qurbanovla problemləri olduğu iddia edilir. Bu səbəbdən, müdafiəçi qarşıdakı bir ili «Qəbələ»də keçirəcək.
Xatırladaq ki, «Qarabağ»ın 12-ci çempionluğunu qazandığı «Sabah»la oyundan sonra, bütün futbolçuları təbrik edən baş məşqçi Qurban Qurbanov, yalnız Mustafazadəni diqqətdən kənarda qoymuşdu.