OpenAI, ChatGPT vasitəsilə əlçatan olan şəkil generatoruna yeni bir funksiya — Styles (Üslublar) seçimlərini əlavə edib.
My-news.az Technote.az-a istinadən xəbər verir ki, bu yenilik sayəsində istifadəçilər artıq prompt mühəndisliyinin incəliklərini bilmədən, müxtəlif üslublarda yüksək keyfiyyətli bədii təsvirlər yarada bilirlər.
Əvvəllər, məsələn, anime üslubunda görüntü əldə etmək üçün istifadəçi sorğunu xüsusi dəqiqliklə formalaşdırmalı olurdu. Lakin buna baxmayaraq, neyroşəbəkə hər zaman gözlənilən nəticəni təqdim etmirdi.
Prosesi daha da sadələşdirmək məqsədilə əlavə olunan Styles funksiyası vasitəsilə istifadəçilər mövcud üslublardan birini seçə və onu yaradacaqları şəkilə tətbiq edə bilərlər. Məsələn, əgər istifadəçi öz şəklini yükləyib anime üslubunu seçərsə, sistem onu Studio Ghibli üslubunu xatırladan rəsmə çevirəcək.
Bu yeni funksiya artıq bütün ChatGPT istifadəçiləri üçün əlçatan olub və məlumata görə, tamamilə pulsuz təqdim edilir.