Tarif (Qiymət) Şurası “Azəristiliktəchizat” ASC-nin göstərdiyi xidmətin tarifinin tənzimlənməsi ilə bağlı 2024-cü il 29 dekabr tarixli qərarına dəyişiklik edib.
My-news.az Report.az-a istinadən xəbər verir ki, qərar Şuranın sədri Mikayıl Cabbarov tərəfindən imzalanıb.
Dəyişikliyə əsasən, əhali istehlakçı qrupu üçün istilik xidmətinin tarifi 1 Qkal üçün ƏDV daxil olmaqla 14,6 manatdan 21 manata qaldırılıb. Sayğac quraşdırılmadığı hallarda isə istilik haqqı aylıq olaraq hər kvadrat metr üçün ƏDV daxil olmaqla 0,3 manatdan 0,45 manata yüksəldilib.