Artıq məhsul cərgəsində ən çox elektrikləşdirilmiş modellərə sahib markalardan biri olan Opel, tam elektrikli avtomobillərə keçid strategiyasını dəyişdiyini açıqlayıb.
My-news.az Donanımhaber-ə istinadən xəbər verir ki, şirkət bundan sonra yalnız elektrikli deyil, həm də hibrid və daxili yanma mühərrikli modellərə diqqət yetirəcək.
2021-ci ildə keçirilən Stellantis EV Günündə o zamankı CEO Michael Lohscheller Opel-in 2028-ci ildən etibarən Avropada yalnız elektrikli avtomobillər istehsal edəcəyini bildirmişdi. Lakin bu həftə şirkət bütün modellərini elektrikləşdirmək planından imtina etdiyini və “çox enerjili” strategiyasına davam edəcəyini açıqladı.
Opel-in hazırkı yanaşması elektrik, plug-in hibrid və daxili yanma mühərrikli modelləri əhatə edir. Şirkət bildirib ki, bu strategiya bazar tələbinə uyğun olaraq dəyişə bilər. Xüsusilə Almaniya, Böyük Britaniya və Fransa kimi əsas bazarlarda elektrikli modellərə diqqət davam edəcək, lakin digər güc aqreqatlı variantlar da təklif olunacaq.