Almaniyanın məşhur «Porsche» konserninin Çin filialı markanın tarixində ən güclü 911 modeli sayılan yeni «Porsche 911 Turbo S»-in qlobal premyerasını elan edib.
My-news.az Avtosfer.az-a istinadən xəbər verir ki, bu barədə məlumat filialın «Weibo» sosial şəbəkəsindəki rəsmi hesabında paylaşılıb.
“Yeni Porsche 911 Turbo S bütün dünyada debüt edəcək. Sentyabrın 7-də sizi canlı yayıma dəvət edirik”, – açıqlamada bildirilib.
Yeni modelin tanınan dizayn elementləri arasında təkər tağları və ön bamperin profili xüsusilə seçiləcək. Qeyri-rəsmi məlumatlara görə, avtomobil 3,7 litrlik yastı altı silindrli turbo benzin mühərriki əsasında yaradılan hibrid güc qurğusu ilə təchiz olunacaq. Onun 700 at gücündən artıq gücə malik olacağı gözlənilir.